1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
አዲስ አበባ፣ ሀምሌ 27፣ 2009 (ኤፍ.ቢ.ሲ) የአሜሪካ መንግሥት በኢትዮጵ ለድርቅ ተጠቂ ዜጎች የሚውል
137 ሚሊየን ዶላር ተጨማሪ የሰብዓዊ ዕርዳታ ድጋፍ ማድረጉን አስታወቀ።

ተጨማሪ የገንዘብ ድጋፉ የአሜሪካ መንግሥት የሚያደርገውን የአስቸኳይ የምግብ ዕርዳታ አቅርቦት ከማሳደጉ ባሻገር
በምግብ ዕጥረት ለተጎዱ ሕጻናት የተመጣጠነ ምግብ በማቅረብ ክብካቤ ለማድረግ እንደሚያስችል የአሜሪካ ኤምባሲ
ለፋና ብሮድካስቲንግ ኮርፖሬት የላከው መረጃ ያመለክታል።

በተጨማሪም ንፁህ የመጠጥ ውሃና አስፈላጊ የጤና አገልግሎቶችን ለማቅረብ እንደሚውል ጠቁሟል።

ይህ እርዳታ በኢትዮጵያ ለሚገኙና ወደ 3 ሚሊየን ለሚጠጉ ሰዎች የሚደረገውን የ111 ሺህ ሜትሪክ ቶን የምግብ
እርዳታ ያካትታል ተብሏል።

ዋሽንግተን ለኬንያም በድርቅ ለተጎዱ ወገኖች የሚውል 33 ሚሊየን ዶላር ድጋፍ አድርጋለች።

ተጨማሪ ድጋፉ የአሜሪካ መንግሥት እንደ አውሮፓውያኑ አቆጣጠር በ2017 ለኢትዮጵያና ለኬንያ የለገሰውን
ድምር የሰብዓዊ ዕርዳታ መጠን 458 ሚሊየን ዶላር እንደሚያደርሰው ኤምባሲው አስታውቋል።

የአሜሪካ መንግሥት በድርቅ ከተጎዱ ኬንያውያን በተጨማሪ በድርቅና በግጭት ምክንያት አገራቸውን ጥለው ወደ ኬንያ
ለተሰደዱ ስደተኞችም ድጋፍ ያደርጋል፡፡ ይህ ተጨማሪ ዕርዳታ ወሳኝ በሆነ ወቅት የተደረገ ነው፡፡

በመላው ኢትዮጵያ ወደ 7.8 ሚሊዮን የሚጠጉ ሰዎች አስቸኳይ የሰብዓዊ ዕርዳታ ያስፈልጋቸዋል፡፡

2 ነጥብ 6 ሚሊየን ህዝብ ከፍተኛ የምግብ ዋስትና አለመረጋገጥ ውስጥ በሚገኝበትና የምግብ እጥረት እያሻቀበ ባለበት
ኬንያም ቢሆን የሰብዓዊ ዕርዳታ ፍላጎት እየጨመረ መምጣቱን ነው የአሜሪካ ኤምባሲ መረጃ ያሳየው።

አሜሪካ ለኢትዮጵያና ኬንያ ከፍተኛ የሰብዓዊ ዕርዳታ ከሚለግሱ አገሮች መካከል አንዷ ስትሆን በዓለም አቀፍ ደረጃም
የሰብዓዊ ዕርዳታ በማቅረብ ቀዳሚውን ሥፍራ ይዛለች።
admin@hebrezema.info
1