1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
መንግስት በጸረ ሰላም ሃይሎች ንብረት ለወደመባቸው ባለሃብቶች ድጋፍ ያደርጋል -
ፕሬዚዳንት ሙላቱ ተሾመ
October 14, 2016
አዲስ አበባ ፣ ጥቅምት 4 ፣ 2009 (ኤፍ
ቢ ሲ) መንግስት ጸረ ሰላም ሃይሎች
በፈጠሩት ሁከትና ግርግር ንብረት
ከወደመባቸው ባለሃብቶች ጎን በመሆን
አስፈላጊውን ድጋፍ እንደሚያደርግ የኢፌዴሪ
ፕሬዚዳንት ሙላቱ ተሾመ ተናገሩ።

ከሳምንታት በፊት በሰበታ ከተማ ሁከት
ፈጣሪዎች በፈጸሙት ጥቃት ከ40 ሺህ በላይ
ሰራተኞችን የያዙ በርካታ ፋብሪካዎችና
ተሽከርካሪዎች መውደማቸው ይታወሳል።

የኢፌዴሪ ፕሬዚዳንት ሙላቱ ተሾመ በፀረ
ሰላም ሀይሎቹ ጉዳት ከደረሰባቸው
ፋብሪካዎች መካከል ዛሬ በሰባቱ ጉብኝት
አካሂደዋል።
ፕሬዚዳንቱ ሳይገን ዲማ፣ ቱቱ ጨርቃ ጨርቅ፣ ቢ ኤም ቲ ኢንጂነሪንግ ቴሌኮም ኢንዱስትሪ፣ አይካ አዲስ፣ ሰላምና
ታል ፍላወር ኢቲ ሀይላንድ፣ ሚና ጨርቃ ጨርቅ ፋብሪካዎች ነው ጉብኝት ያካሄዱት።

ጉብኝቱ ከሌሎች ሃገራት ቀዳሚ በማድረግ ወደ ኢትዮጵያ መግባት ያለሙት ባለሃብቶች መንግስትና ህዝብ ከጎናቸው
መሆኑን ለማረጋገጥ የተደረገ ጉብኝት መሆኑን ነው ፕሬዚዳንቱ የተናገሩት።

በፀረ ሰላም ሀይሎች በፋብሪካቸው ጉዳት ለደረሰባቸው ባለሃብቶች መንግስት በአለም አቀፍ ህግ መሰረት ይሰራልም
ነው ያሉት ፕሬዚዳንቱ።

በሰው ሰራሽና በተፈጥሮ አደጋ ለሚደርስ ውድመት የሚፈረም ህግ በመኖሩ ውድመቱ በዚህና ከወደሙት አብዛኛዎቹ
ኩባንያዎቹ ኢንሹራንስ ያላቸው በመሆኑም ወደ ቀደመው ለመመለስ አይከብዳቸው ብለዋል።

በፕሬዚዳንቱ ጉብኝት የተደረገላቸው የፋብሪካ ባለቤቶችም የደረሰባቸው ጉዳት ሳያስደንብራቸው በአጭር ጊዜ ውስጥ
ወደ ምርት ለመመለስ እንደሚሰሩ ማረጋገጣቸውንም ፕሬዚዳንቱ ተናግረዋል።

በተለይም በሁከቱ ከፍተኛ ጉዳት የደረሰባቸው ፋብሪካዎች ይህን ለማድረግ በቅድመ ዝግጅት ላይ እንደሚገኙ
ማረጋገጣቸውንም ነው የተናገሩት፤ ይህም ለኢትዮጵያ ህዝብና መንግስት ከፍተኛ አጋርነት መሆኑን በመጥቀስ።

ንብረት ማውደም የኢትዮጵያውያን መገለጫ አይደለም ያሉት ፕሬዚዳንቱ ድርጊቱ ከዚህ በኋላ እንደማይደገምም
ገልጸዋል።

የኢትዮጵያ ህዝብም ይህን በመረዳት ከመንግስት ጎን በመቆም አስፈላጊውን ሁሉ ትብብር ማድረግ እንደሚጠበቅበት
ገልጸዋል።
admin@hebrezema.info
1