1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
በአማራና በትግራይ ከልል ሕዝቦች መካከል ያለውን መልካም ግንኙነት ለማጠናከር እንሰራለን
....የሀገር ሽማግሌዎች
July 20, 2017
ሽሬ እንዳስላሴ  ሀምሌ 12/2009 በአማራና በትግራይ ከልል ሕዝቦች መካከል ያለውን መልካም ግንኙነት
ለማጠናከር እንደሚሰሩ ከአማራ ክልል የተወከሉ የአገር ሽማግሌዎች ተናገሩ።

የአገር ሽማግሌዎቹ ከአንድ ቀን በኋላ በመቀሌ ከተማ በሚካሄደውና ከአንድ ሺህ 200 በላይ የአገር ሽማግሌዎች
በሚሳተፉበት ህዝባዊ ኮንፈረንስ ላይ ለመገኘት ዛሬ ትግራይ ክልል ሲገቡ ደማቅ አቀባበል ተደርጎላቸዋል።

ቁጥራቸው ከ400 በላይ የሚሆነው የአገር ሽማግሌዎች ወደ ክልሉ የገቡት በሁለት አቅጣጫ ሲሆን በትግራይ ዳንሻ
መስመር "ማይሀንሰ ከተማ" እንዲሁም በማይጸብሪ መስመር  "ማይጸብሪ ከተማ" ሲደርሱ በሁለቱ ከተማ ነዋሪዎች
ደማቅ አቀባበል ተደርጎላቸዋል።

የአገር ሽማግሌዎቹ ዛሬ ማምሻውን ሽሬ እንዳስላሴ የደረሱ ሲሆን በዚያም ከፍተኛ የህዝብ አቀባበልና የምሳ ግብዣ
ተደርጎላቸዋል።

ከሰሜን ጎንደር ወገራ ወረዳ ተወክለው የመጡትና የአገር ሽማግሌ የሆኑት አቶ ላቀው ታደሰ የሁለቱን ክልል ህዝቦች
ግንኙነት የሚያበላሽ አንድም ችግር አለመኖሩን ገልጸዋል።

"የአማራና የትግራይ ህዝብ  የውጭ ወራሪን ለመከላከል በጋራ መስዋዕትነት ከፍለዋል፤ አሁን በህዝቡ መካከል ምንም
የጥላቻ መንፈስ የለም" ሲሉም ተናግረዋል፡፡

የሁለቱ ክልል ሕዝቦች ለዓመታት የገነቡትን አብሮነት በቀጣይ አጠናክሮ ለማስቀጠል የበኩላቸውን ጥረት
እንደሚያደርጉም አመልክተዋል።

" በሁለቱ ህዘቦች መካከል ያለው መተሳሰብና ፍቅር እንደወትሮው ነው " ያሉት ደግሞ ከሰሜን ጎንደር ተወከለው
የመጡት ወይዘሮ መሰረት ደመቀ ናቸው፡፡

" የትግራይ ህዝብ ልብ በሚነካ መልኩ ጥሩ አቀባበል አድርጎልናል፤ ይህም በህዝቦች መካከል ግንኙነትን የሚያደፈርስ
ችግር እንደሌለ ይበልጥ ማሳያ ነው" ብለዋል፡፡

በሁለቱ ክልል ህዝቦች መካከል እርስ በርስ ተሳስቦና ተከባብሮ የመኖር ባህል በበለጠ እንዲጎለብት እንደአገር ሽማግሌ
የሚጠበቅባቸውን ለመወጣት ዝገጁ መሆናቸውን ገልጸዋል።

የሁለቱንም ህዝቦች ስር የሰደደ ግንኙነት ማጠናከርን ዓላማው ያደረገው ህዝባዊ ኮንፈረንስ ከሐምሌ 14 እስከ 16
ቀን 2009 ዓ.ም በመቀሌ ከተማ ሰማዕታት ሀወልት መሰብሰቢያ አዳራሽ ይካሄዳል፡፡

በህዝባዊ ውይይቱ ላይ ከአንድ ሺህ 200 በላይ የሁለቱም ክልል የአገር ሽማግሌዎች ይሳተፋሉ ተብሎ ይጠበቃል፡፡
admin@hebrezema.info
1