1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
ከ፱ ሚሊየን ብር በላይ በማጭበርበር ወንጀል ተጠርጥራ ከሀገር ተሰውራ አቡዳቢ ምሽጓ አድርጋ የነበረችው ፌቨን
አበጋዝ ከዱባይ ተይዛ ኢትዮጲያ ገባች
Decemeber 14, 2016
አዲስ አበባ፣ ታህሳስ 5፣ 2009 (ኤፍ.ቢ.ሲ) በሀዋሳ ከተማ ከስምንት ግለሰቦች ከ9 ሚሊየን ብር በላይ በማጭበርበር ወንጀል
ተጠርጥራ ከሀገር ተሰውራ የነበረችው ወይዘሮ ፌቨን አበጋዝ የተባለች ግለሰብ ትናንት ማምሻውን በዓለም አቀፉ የፖሊስ
ድርጅት/ኢንተርፖል/ ከዱባይ ተይዛ መጣች።

በኢንተርፖል ዓለም አቀፍ ፖሊስ ትብብር ዳይሬክቶሬት የተፈላጊ ሰዎች ክትትል አፈፃፀም ቡድን ኃላፊ ረዳት ኢንስፔክተር
ሙስጠፋ ሰዒድ እንደገለጹት፥ ኢንተርፖል ግለሰቧ ተፈላጊ መሆኗ ነሐሴ 12 2008 ዓ.ም ነው መረጃው የደረሰው።

ኢንተርፖል ከአቡዳቢ ኢንተርፖል ጋር ባደረገው የሥራ ትብብር ከአራት ወራት ክትትል በኋላ ግለሰቧ ትናንት ማምሻውን
ኢትዮጵያ ልትገባ ችላለች።

ተጠርጣሪዋ ከትዳር አጋሯ ዘሪሁን መሀሪ ጋር በቼክ ማጭበርበር ወንጀል የተሰማሩ ሲሆን፣ የትዳር አጋሯም ጥቅምት 2009
ከአቡዳቢ በኢንተርፖል ተይዞ መምጣቱ ተገልጿል።

በብሔራዊ ኢንተርፖል የተፈላጊ ሰዎች ክትትል የአለም አቀፍ ግንኙነት ክፍል ኃላፊ ወይዘሮ ገነት ሀይሉ፥ ወንጀለኛ
በየትም ሀገር ከህግ ተጠያቂነት ሊሰወር አይችልም ብለዋል።

ተጠርጣሪዋ እንድትያዝ የኢትዮጵያ የውጭ ጉዳይ ሚኒስቴር፣ በአቡዳቢ የሚገኘው የኢትዮጵያ ኤምባሲ፣ ፌዴራል ፖሊስ፣
የፌዴራል አቃቤ ሕግና አዲስ አበባ ፖሊስ ኮሚሽን ከፍተኛ ትብብር ካደረጉት አካላት ውስጥ ናቸው።
admin@hebrezema.info
1
INTERPOL is the world's largest police organization with 190 member countries. Its primary role is to assist law enforcement agencies around
the world in combating all forms of transnational crime and terrorism.