1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
admin@hebrezema.info
100 አሊያንስ የከተማ አውቶቡሶች በመጪው ሰኞ አገልግሎት መስጠት ሊጀምሩ ነው
January 14, 2017
የአሊያንስ ትራንስፖርት 100 የከተማ አውቶቡሶች ከጥር 8/2009 ዓ.ም ጀምሮ ለህብረተሰቡ አገልግሎት መስጠት እንደሚጀምሩ የአዲስ አበባ
ትራንስፖርት ባለስልጣን  ገለጸ።

ባለስልጣኑ እንደገለፀው  አውቶቡሶቹ  በመዲናዋ በተመረጡ 13 መስመሮች አገልግሎት  መስጠት የጀምራሉ፡፡

ፒያሳ፣ አውቶቡስ ተራ፣ መገናኛ፣ ሜክሲኮና አራት ኪሎ የአውቶቡሶቹ መነሻ ስፍራዎች ናቸው።

ከአራት እስከ 35 ኪሎ ሜትር ርቀት የሚጓዙት አውቶቡሶቹ ከ1 ብር ከ50 ሣንቲም እስከ 12 ብር ታሪፍ ወጥቶላቸዋል።

የባለስልጣኑ ምክትል ዋና ስራ አስኪያጅ አቶ ምትኩ አማረ መንግስት ከቀረጥ ነጻ ያስገባቸውን የማህበሩ 100 አውቶቡሶች አገልግሎት መጀመር
አስመልክቶ እንደተናገሩት አውቶቡሶቹ አገልግሎት የሚሰጡባቸው መስመሮች ከፍተኛ የትራንስፖርት ፍላጎት አለባቸው ተብለው የተመረጡ አከባቢዎች
ናቸው፡፡

ዋና ስራ አስኪያጁ አውቶቡሶቹ የታሪፍ ማቆራረጥና ከታሪፍ በላይ ክፍያ ይጠየቅባቸዋል ተብለው በተለዩ አካባቢዎች እንደሚሰማሩ ገልጸው ለመዲናዋ
አጎራባች ከተሞችም አገልግሎት እንደሚሰጡ ተናግረዋል፡፡

በቀጣዮቹ ሶስት ወራት ተጨማሪ 200 የአሊያንስ አውቶቡሶች ወደ አገር ውስጥ እንደሚገቡ ያመለከቱት ዋና ስራ አስኪያጁ ህብረተሰቡ በህዝብ
ትራንስፖርት የመጠቀም ባህሉን እንዲያዳብር አሳስበዋል ሲል የዘገበው ኢዜአ ነው።
1