1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
የአገሪቱን ዕድገት የማይሹ ወገኖች እንቅስቃሴ የግድቡ ግንባታ በቁጭት እንዲቀጥል ያደርጋል-
October 23, 2016
አዲስ አበባ ጥቅምት 12/2009 ኢትዮጵያ በተፈጥሮ
ሃብቷ እንዳትጠቀም የሚሹ ወገኖች እንቅስቃሴ ታላቁ
የኢትዮጵያ ህዳሴ ግድብ ግንባታ በተሻለ እልህና
ቁጭት እንዲቀጥል ያደርጋል የአዲስ አበባ ወጣቶች
ተናገሩ።

የኢትዮጵያ ዜና አገልግሎትያነጋገራቸው የከተማዋ
ወጣቶች በአንዳንድ የውጭ ተቋማት፣ የፖለቲካ
ድርጅቶችና የሽብር ቡድኖች መካከል የግድቡን ግንባታ
ለማደናቀፍ የሚደረጉ እንቅስቃሴዎችን አውግዘዋል።

ወጣቶቹ እንደሚናገሩት የቡድኖቹ እንቅስቃሴ
ኢትዮጵያውያን ከጫፍ ጫፍ ያነቃነቀና ወደበለጠ
እልህና ቁጭት ያስገባ ነው።

በመሆኑም መንግስት ይህንን ቁጭት የግድቡ ግንባታ
ከታቀደለት ጊዜ ቀድሞ እንዲጠናቀቅ በሚያስችል
መልኩ ሊጠቀምበት ይገባል ብለዋል።
ለዚህም ከዚህ ቀደም የነበሩ የቦንድ ሽያጭና የተለያዩ የገቢ ማሰባሰቢያ መንገዶችን በአይነትና በቁጥር በማብዛት
የህዝቡን የተሳትፎ ፍላጎት በአግባቡ መጠቀም እንደሚቻል ያስረዳሉ።

ወጣቶቹ አንዳንድ ግብጻውያን በታላቁ የኢትዮጵያ ህዳሴ ግድብ ግንባታና በአባይ ወንዝ አጠቃቀም ዙሪያ ያደረጉትን
ውይይት በተለያዩ መገናኛ ብዙሃን ተከታትለዋል።

ወጣቶቹ እንደሚሉት ተቃዋሚ ወገኖቹ በኢትዮጵያ የተፈጥሮ ሃብት ላይ መደራደራቸው እጅግ አሳዝኗቸዋል።

መንግስትም ህዝቡ ስለነዚህ አካላት ዓላማና እንቅስቃሴ በየወቅቱ በቂ መረጃ እንዲያገኝና ዕቅዳቸውን ለማክሸፍ ተግቶ
እንዲሰራ ጠይቀዋል።

አሸባሪ ኃይሎችንም ተከታትሎ ለፍርድ እንዲያቀርብ ወጣቶቹ ጠይቀዋል።

ከወጣቶቹ መካከል ወጣት ሲራጅ ሽኩር ''የኛ ተቃዋሚዎች ከነርሱ ጋር ሲሆኑ እንቀንሰዋለን ግድቡን እያሉ
በሃብታችን የሚደራደሩ ቡድኖች እኛን እንዴት ሊወክሉ ይችላሉ? እንዴት በህዝብ ላይ በሃገር ሃብት ላይ መደራደር
ይችላል? ተቃዋሚ የተባለ ለአንድ ሃገር ቆሚያለሁ ማስተዳደር እፈልጋለው የሚል አካል አስተዳደሩን ብለን
ብንፈቅድለት ምን ሊያደርገን ነው? እኔ ሳውቅ ተቃዋሚ ወገኖች ስልጣን ባገኝ ይሄን ይሄን እሰራለሁ ለህዝቤ ጥቅም
ይሄን አደርጋለሁ ሲል ነው ሃብታችንን እንዲህ እጠቀማለሁ ለልማት እሰራለሁ ሲሉ ነበር እኔ የማውቀው። እኝህ
ተቃዋሚዎች በሃገር ሃብት ላይ ከተደራደሩ ሊያጠፉን እንጂ ሊያለሙን አይደለም የተነሱት" ሲል አተያየቱን ሰጥቷል

ሌላው ወጣት መስፍን ከተማ በበኩሉ "አንደኛ አሁን በግልፅ የታወቀው ኦነግ ነው ከውጭ ኃይሎች ጋር በግድባችን
ላይ አፍራሽ ስራ እየሰራ ያለው ስለዚህ እነርሱን ለማጋለጥ ተከታታይ የሆኑ ዘገባዎችን አሁን እንደተጀመረው
በመገናኛ ብዙሃን ማሳወቅ መቀጠል አለበት መንግስት ይህ ህዝቡ ራሱ መረጃው ኖሮት በደምብ አውቋቸው
እንዲቃወማቸውና ሰላሙን እንዲጠብቅ ይረዳዋል። ሌላው ደግሞ አሁን አስቸኳይ ጊዜ አዋጅ ላይ ነን ስለዚህ
መንግስት የነኝህ አካላትን እንቅስቃሴ ለማክሸፍ ተባባሪና ተሳታፊ የሆኑትን በሙሉ አንድ በአንድ ተከታትሎ ለፍርድ
ማቅረብ አለበት ግድቡ ህልውናችን ነው ስለዚህ በህልውናችን ላይ ነው የመጡት" ብሏል።

እንደማንኛውም ኢትዮጵያዊ ለግድቡ ግንባታ በቦንድ ግዢና በአጭር የፅሁፍ መልዕክት የገቢ ማሰባሰቢያ ተሳታፊ
እንደነበሩና አሁንም በአቅማቸው ግድቡን በገንዘብ የመደገፍ ፍላጎት እንዳላቸው ተናግረዋል።

ወጣቶቹ እንደሚሉት የህዳሴ ግድብና የአባይ ጉዳይ በፍፁም የፖለቲካ አጀንዳ መሆን የለበትም።

መንግስትም በዲፕሎማሲያዊና በመሰል መንገዶች በአገሪቱ ሃብት ላይ የሚደረጉ አፍራሽ ተግባራትን ለመመከት
ጠንካራ አቋም መያዝ አለበት ይላሉ።
admin@hebrezema.info
1