1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
ለ600 ሺህ ወጣቶች የስራ እድል ለመፍጠር ተዘጋጅቻለሁ - የደቡብ ክልል
March 22, 2017
አዲስ አበባ፣ መጋቢት 13፣ 2009 (ኤፍ.ቢ.ሲ) የደቡብ ክልል በጥናት የተለዩ 600 ሺህ ስራ ፈላጊዎችን የስራ ባለቤት ለማድረግ
ተዘጋጅቻለሁ አለ።

የክልሉ ርዕስ መስተዳደር አቶ ደሴ ዳልኬ ለወጣቶች ስራ ፈጠራ የሚውል 3 ቢሊየን ብር መዘጋጀቱን ተናግረዋል።

ርዕስ መስተዳደሩ በበጀት አመቱ ግማሽ አመት 250 ሺህ ወጣቶች የስራ እድል ተፈጥሮላቸዋል ብለዋል።

ስራ ከተፈጠራለቸው ወጣቶች መካከል 150 ሺህ ያህሉ ቋሚ ስራ ያገኙ ሲሆን ቀሪዎቹ በጊዜያዊነት ነው ወደ ስራ የገቡት።

ለእነዚህ በስራ ላይ ለተሰማሩ ወጣቶች ክልሉ ግማሽ ቢሊየን ብር በጅቶ ስራ ላይ ማዋሉን ርዕሰ መስተዳደሩ አስታውቀዋል።

በአሁኑ ወቅትም ለ600 ሺህ ወጣቶችን የስራ ባለቤት ለማደረግ ዝግጅት ተጀምሯል ያሉት አቶ ደሴ፥ የክልሉ መንግስት ወጣቶቹ ሊሰማሩባቸው
የሚችሉ የስራ ዘርፎችን መለየቱን ገልፀዋል።

በገጠር በግብርና ማለትም በመስኖ፣ ገበያ ተኮር ምርት፣ የእንስሳት ዝርያ ማሻሻል እና እርባታ፣ የንብ ማነብ፣ የአነስተኛ የግብርና ምርት
ማቀነባበር ዘርፎች ወጣቶቹ ቢሰማሩባቸው ውጤታማ ይሆናሉ ተብለው ታምኖባቸዋል።

በከተማ ደግሞ በኮንስትራክሽን ግብአት አቅርቦት፣ የእንጨትና የእንጨት ውጤቶች የብረት ምርትና አቅርቦት መመረጣቸውን ነው ርዕስ
መስተዳደሩ የተናገሩት።

ለዚህ ስራ ማከናወኛ የሚሆን የብድር አቅርቦት መዘጋጀቱንም አቶ ደሴ ገልፀዋል።

በክልሉ ለወጣቶች ለምርት የሚሆን በገጠር ከ50 ሺህ ሄክታር በላይ መሬት የተዘጋጀ ሲሆን፥ በከተማም በተመሳሳይ የመሬት ልየታ እየተደረገ
ነው ብለዋል።

በአሁኑ ወቅት ወጣቶችን ማበቃት የሚችሉ ባለሙያዎች ስልጠና እየተሰጣቸው ሲሆን፥ በቀጣይ ለወጣቶቹ የአቅም ግንባታ ስልጠና በመስጠት
በተያዘው አመት በተለዩት ዘርፎች እንዲሰማሩ የማደረግ ስራ ይከናወናል ተብሏል።
admin@hebrezema.info
1