1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
ኢትዮጵያና ኢራን የሁለትዮሽ ግንኙነታቸው በሳይንስና ቴክኖሎጂው መስክም ማሳደግ እንደሚገባ ተገለጸ
Decemeber 14, 2016
በኢትዮጵያና ኢራን ሪፐብሊክ መካከል ያለውን ሁለትዮሽ ግንኙነት በሳይንስና ቴክኖሎጂው መስክም ማሳደግ እንደሚገባ ፕሬዝዳንት ዶክተር ሙላቱ ተሾመ
ገለፁ፡፡

ፕሬዝዳንቱ በኢትዮጵያ የሥራ ጊዜያቸው ያጠናቀቁትን የኢራን ሪፐብሊክ አምባሳደር አሊባህሬይኒን አሰናብተዋል፡፡

ተሰናባቹ የኢራን ሪፐብሊክ አምባሳደር አሊ ባህሬይኒን በኢትዮጵያ በነበራቸው ቆይታ የሕዝብ ለሕዝብ እንዲሁም የንግድና ኢንቨስትመንት ግንኙነት
እንዲጠናከር መሥራታቸውን ተናግረዋል፡፡

አገራቸው ኢትዮጵያን ጨምሮ ከአፍሪካ ሀገራት ጋር የኢኮኖሚና የፖለቲካ ግንኙነቷን ለማጠናከር ፍላጎት እንዳላትም ገልፀዋል፡፡

ፕሬዝዳንት ዶክተር ሙላቱ ተሾመ በበኩላቸው ኢትዮጵያና ኢራን ለረጅም ጊዜያት የቆየ ታሪካዊ ግንኙነት እንዳላቸው ገልፀው በኢኮኖሚና በባህል ዘርፍ ያለው
ትብብር በሳይንስና ቴክኖሎጂው መስክም ተጠናክሮ ሊቀጥል እንደሚገባ መግለፃቸውን ውይይቱን የተከታተሉት የመካከለኛው ምሥራቅ ጉዳዮች ዳይሬክተር
ጄኔራል አምባሳደር ሱሌይማን ደደፎ ተናግረዋል፡፡

የኢራኑ አምባሳደር ኢራን በምህንድስናና በሳይንስ ዘርፎች ያላትን ልምድ ለማካፈል ፍላጎት እንዳላት ገልፀው ወደሀገራቸው ሲመለሱም የኢራን ባለሀብቶች
በኢትዮጵያ በተለያዩ የኢንቨስትመንት አማራጮች እንዲሳተፉ የበኩላቸውን ጥረት እንደሚያደርጉም ገልፀዋል፡፡
admin@hebrezema.info
1