1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
የኢፌዴሪ የቀድሞ ጠቅላይ ሚኒስትር ኃይለማርያም ደሳለኝ ዛሬ በይፋ ሽኝት ይደረግላቸዋል
April 24, 2018
አዲስ አበባ ፣ ሚያዚያ 16 ፣ 2010 (ኤፍ ቢ ሲ) የኢፌዴሪ የቀድሞ ጠቅላይ ሚኒስትር ኃይለማርያም ደሳለኝ ዛሬ
በብሄራዊ ቤተ መንግስት ይፋዊ የሽኝት ስነ ስርዓት ይደረግላቸዋል።

መሪው ፓርቲ ኢህአዴግ እና መንግስት በሀገሪቱ የተፈጠረውን ችግር ለመፍታት እየተገበሯቸው ያሉ ማሻሻያዎች
እንዲሳኩ እና ለተቀመጡ የመፍትሄ አቅጣጫዎች የመፍትሄ አካል ለመሆን በገዛ ፈቃዳቸው ከኢህአዴግ ሊቀመንበርነት
እና ከኢፌዴሪ ጠቅላይ ሚኒስትርነት ለመልቀቅ ጥያቄ ማቅረባቸውን ተከትሎ አዲስ የኢህአዴግ ሊቀመንበር መመረጡ
እና ጠቅላይ ሚኒስትር መሾሙ ይታወሳል።

በሀገሪቱም ታሪካዊ በተባለ የስልጣን ሽግግርም አቶ ኃይለማርያም ደሳለኝ አዲስ ለተሾሙት የኢፌዴሪ ጠቅላይ ሚኒስትር
ዶክተር አብይ አህመድ ስልጣን አስረክበዋል።

አቶ ኃይለማርያም ደሳለኝ የታላቁ መሪ መለስ ዜናዊ ድንገተኛ ህልፈትን ተከትሎ በነሃሴ ወር 2004 ዓመተ ምህረት ላይ
የኢፌዴሪ ተጠባባቂ ጠቅላይ ሚኒስትር፤ በመቀጠልም መስከረም ወር 2005 ዓመተ ምህረት ላይ የኢህአዴግ
ሊቀመንበር ሆነው በመመረጥ የኢፌዴሪ ጠቅላይ ሚኒስትር በመሆን ተሹመው አገልግለዋል።

ዛሬ በብሄራዊ ቤተመንግስት በሚከናወነው የሽኝት ስነ ስርዓት ላይ የመንግስት ከፍተኛ ባለሰልጣናት፣ ዲፕሎማቶች እና
ታዋቂ ግለሰቦች ይገኛሉ ተብሎ ይጠበቃል።
admin@hebrezema.info
1