1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
ጠቅላይ ሚኒስትር ዶ/ር አብይ ከደቡብ ሱዳን ፕሬዚዳንት ኪር ጋር በፅህፈት ቤታቸው ተወያዩ
May 31, 2018
አዲስ አበባ ፣ ግንቦት 22 ፣ 2010 (ኤፍ ቢ ሲ) የኢፌዴሪ ጠቅላይ ሚኒስትር ዶክተር አብይ አህመድ የደቡብ
ሱዳኑን ፕሬዚዳንት ሳልቫ ኪርን ዛሬ በፅህፈት ቤታቸው አግኝተው አነጋግረዋል።

ፕሬዚዳንት ኪር ዛሬ ነበር አዲስ አበባ የገቡት።

ሁለቱ መሪዎች በደቡብ ሱዳን የሰላም ድርድር ዙሪያ እና በአካባቢያዊ የሰላምና ፀጥታ ሁኔታ ላይ መክረዋል።

ደቡብ ሱዳንን በተመለከተ በምስራቅ አፍሪካ የልማት በይነ መንግስታት/ኢጋድ / ሸምጋይነት እየተካሄደ ያለው ድርድር
የዚያች አገር ጦርነት ፍፃሜ እንዲያገኝ የሚያስችል መሆኑን መሪዎቹ ከስምምንት ደርሰዋል።

የኢፌዴሪ ጠቅላይ ሚኒስትር ዶክተር አብይ ኢትዮጵያ በአሁኑ ወቅት በደቡብ ሱዳን ያለው ሁኔታ በዚሁ እንዲቀጠል
አትፈቅድም ነው ያሉት።

ኢትዮጵያ በሊቀመንበርነት እየመራችው ያለው ኢጋድ በደቡብ ሱዳን ለተፈጠረው ግጭት መፍትሄ ለመስጠት በግጭቱ
ውስጥ ተዋናይ የሆኑ ወገኖችን ሲያደራድር ቆይቷል።

በቅርቡም የኢጋድ የሚኒስትሮች ምክር ቤት በድጋሚ አዲስ አበባ ላይ በመገናኘት የድርድር ሂደቱን ወደፊት ለማስኬድ
በሚቻልበት ሁኔታ ላይ ይመክራል ተብሎ ይጠበቃል።

ከአውሮፓውያኑ 2013 ታህሳስ ወር ጀምሮ በደቡብ ሱዳን ፕሬዚዳንት ሳልቫ ኪር ምክትላቸው የነበሩትን ሪክ ማቻር
ከሀላፊነት ማንሳታቸውን ተከትሎ በሁለቱ ሰዎች ደጋፊዎች መካከል የተቀሰቀሰው ግጭት ዛሬም ድረስ ዘልቋል።
admin@hebrezema.info
1