1
    HEBREZEMA.INFO
    INDEPENDENT NEWS & MEDIA
    DESIGNED BY ZEWDU TEKLU
    © COPYRIGHT. ALL RIGHTS RESERVED 2007.
በ342 ሚሊየን ብር የተገነባው የቆቃ አዳማ የንፁህ መጠጥ ውሃ ማስፋፊያ ፕሮጀክት ተመረቀ

አዲስ አበባ ፣ ግንቦት 22 ፣ 2009 (ኤፍ ቢ ሲ) በ342 ሚሊየን ብር የተገነባው የቆቃ አዳማ የንፁህ መጠጥ ውሃ
ማስፋፊያ ፕሮጀክት ዛሬ ተመርቋል።

ከ500 ሺህ በላይ ለሆኑ የአዳማ ከተማና አካባቢው ነዋሪዎች አገልግሎት የሚሰጠው ፕሮጀክቱ፥ የኦሮሚያ ክልል ርዕሰ
መስተዳድር አቶ ለማ መገርሳ እና የመንግስት ከፍተኛ የስራ ሃላፊዎች በተገኙበት ነው የተመረቀው።

ፕሮጀክቱ ከሁለት አስርት ዓመታት በፊት 250 ሺህ የአዳማ ከተማ ነዋሪዎችን ተጠቃሚ ለማድረግ የተሰራ ነበር፡፡
admin@hebrezema.info
1
ሆኖም የአዳማ ከተማ እና አካባቢዋ ነዋሪዎች ቁጥር እየጨመረ መጥቶ አሁን ላይ ከግማሽ ሚሊየን በላይ በመድረሱ
ነባሩን ፕሮጀክት በቂ ውሃ የማቅረብ አቅም እንዲኖረው ማስፋፊያ ተደርጎለታል፡፡

የማስፋፊያ ግንባታውም በሶስት ዓመት ውስጥ የተጠናቀቀ ሲሆን፥ ውሃ የመያዝ አቅሙም ከ24 ሺህ ሜትር ኪዩብ ወደ
43 ሺህ ሜትር ኪዩብ ከፍ ብሏል፡፡

ይህም የከተማዋን እና የአካባቢዋን ነዋሪዎች የውሃ ፍላጎት 95 በመቶ እንደሚሸፍን ተነግሯል፡፡
ፕሮጀክቱ የውሃ አቅርቦቱን ተደራሽ የሚያደርገው የአዋሽ ወንዝን ጠልፎ በማጣራት ሲሆን፥ አዳማ፣ ወንጂ እና ሲሬሮ
ከተሞች ተጠቃሚ ይሆናሉ፡፡

በሌላ በኩልም በአዳማ ከተማ የትራፊክ መጨናነቅን ለማስቀረት የተሰራው የ15 ነጥብ 5 ኪሎ ሜትር መንገድ ዛሬ
ተመርቋል።

ከዚህ መንገድ ውስጥ ከ7 ነጥብ 8 ኪሎ ሜትር በላይ የሚሆነው ሙሉ በሙሉ የአስፋልት መንገድ ሲሆን፥ በ162
ሚሊየን ብር ወጪ የተገነባው ይህ መንገድ ከዛሬ ጀምሮ ለትራፊክ ክፍት ሆኗል፡፡

ሌላው 7 ነጥብ 7 ኪሎ ሜትር የሚሸፍነው የጠጠር መንገድ ደግሞ በ186 ሚሊየን ብር ወጪ እየተገነባ ሲሆን፥
በ2010 ዓ.ም ሙሉ ለሙሉ አስፋልት ይሆናል ተብሏል፡፡

ይህ መንገድ 40 ሜትር የጎን ስፋት ሲኖረው በግራና በቀኝ በአንድ ጊዜ ስድስት መኪናዎችን የማስተናገድ አቅም አለው።

መንገዱ ከአዲስ አበባ ድሬዳዋ በመኪና ለሚደረግ ጉዞ የአዳማ ከተማን በፍጥነት ለማቋረጥ ያግዛል።

የአዳማ ከተማ ከንቲባ ወይዘሮ አዳነች ሀቤቤ በፕሮጀክቱ የምርቃ ስነስርዓት ላይ እንደተናገሩት፥ ከተማዋ እየተስፋፋች
በመሆኗ የመሰረተ ልማት ጥያቄዎች እየተነሱ ሲሆን ምላስ ለመስጠትም በትኩረት እየተሰራ ነው፡፡

የኦሮሚያ ክልል ርዕሰ መስተዳድር አቶ ለማ መገርሳ በበኩላቸው አዳማ ከተማን ሞዴል ለማድረግ እየተሰራ መሆኑን
ጠቁመዋል፡